Powered by Invision Power Board
 

سليمان لايق

مرثيه
پاچا خان ته

سر را پورته کړه خيبره چې اسمان دی توفاني شو
هر وګړی دی اېمل شو هر بچی دی روښاني شو

د بابا جنازه راغله لری خوري د رحمت وړانګی
هر يو بوټی فيضاني شو هر يو کاڼی نوراني شو

ننګرهاره تل بهاره زر رحمته زر عزته
ستا به هره لوبخته باندی چې بابا دی مکاني شو

لر او بر سره ټول شوي معجزه نه ده نو څه ده
له امو تر اباسينه وطن ګرده افغاني شو